minibus hire Leeds minibus hire Scarborough local minibus hire lajmet e fundit national minibus hire struga lajm struga lajme
“Gjasat shumë të mira” që në fund të vitit të kemi vaksinën - Struga.net

“Gjasat shumë të mira” që në fund të vitit të kemi vaksinën

0

Sipas Komisioneres për Shëndetësi në BE, Stella Kyriakides, vaksina e parë kundër Covid-19 mund të jetë në dispozicion brenda disa muajve.

“Përkundër fakti se parashikimet janë akoma të rrezikshme në këtë pikë kohe, ne kemi indikacione të mira që vaksina e parë do të jetë e disponueshme rreth fundit të këtij ose fillimit të vitit të ardhshëm”, ka thënë komisionerja e BE për gazetën “Handelsblatt”.

Megjithatë, vaksina nuk mund të zgjidhë të gjitha problemet menjëherë, ka theksuar Kyriakides, transmeton albinfo.ch. Por ajo gradualisht do të mundësojë një kthim në normalitet në momentin kur një masë kritike e qytetarëve, veçanërisht në grupet e rrezikut, do të jetë e vaksinuar.

Presidenti i Institutit gjerman Paul Ehrlich, Klaus Cichutek, është shprehur gjithashtu i bindur rreth po kësaj çështjeje, përcjell albinfo.ch. Ai për “RedaktionsNetzwerk Deutschland” ka thënë: “Tani unë konsideroj se do të ketë licencime të vaksinës në fund të vitit 2020 dhe fillimin e vitit të ardhshëm, me presupozimin që të dhënat e provave të fazës 3 do të jenë pozitive”.

Ndërkaq ministri i shëndetësisë në Qeverinë e Zvicrës, Alain Berset, për “NZZ jam Sonntag” ka thënë se Këshilli Federal aktualisht pret që kjo gjë (lejimi i vaksinës) do të ndodhë në vitin e ardhshëminfo.ch. Përveç punës me kompaninë amerikane “Moderna”, Qeveria Federale është gjithashtu në bisedime edhe me ofertues të tjerë të vaksinave.

“Gjasat shumë të mira” që në fund të vitit të kemi vaksinën shkruan Albinfo.

Share.

Comments are closed.

Copyright © 2014 - 2020 Struga.net | Privacy policy