minibus hire Leeds minibus hire Scarborough local minibus hire lajmet e fundit national minibus hire struga lajm struga lajme online mortgage broker online university
Po kthehej në banesë, grabitet kambisti në Përrenjas, policia shoqëron 8 persona - Struga.net

Po kthehej në banesë, grabitet kambisti në Përrenjas, policia shoqëron 8 persona

0

Një kambist është grabitur mbrëmjen e sotme në Përrenjas, teksa kthehej në fshatin Katjel, ku ka banesën. Policia bën me dije se persona ende të pa identifikuar i kanë vjedhur një sasi lekësh.

Jo zyrtarisht thuhet se shuma e grabitur është rreth 40 mln lekë të vjetra, që kambisti i mbante në një çantë.

Policia ka shoqëruar tetë persona, por ende nuk janë arrestuar autorët e ngjarjes.

Njoftimi i policisë:

Rreth orës 21:00, në fshatin Katjel, Prrenjas, persona ende të paidentifikuar dyshohet se i kanë vjedhur me dhunë një sasi lekësh shtetasit B.Sh., (kambist), banues në Prrenjas i cili ishte duke u kthyer për në banesën e tij.

Me marrjen e njoftimit shërbimet e Policisë kanë shkuar menjëherë në vendngjarje.

Nga veprimet e menjëhershme janë shoqëruar në Komisariatin e Policisë Librazhd 8 persona për veprime të mëtejshme.

Grupi hetimor ndodhet në vendngjarje dhe nën drejtimin e Prokurorisë vijon punën intensive për fiksimin e çdo prove të vlefshme që do çojë në identifikimin dhe kapjen e autorëve të tjerë.

Ndërkohë vijon krehja e zonës dhe janë ngritur pika kontrolli në drejtim të Pogradecit dhe Librazhdit.

Share.

Comments are closed.

Copyright © 2014 - 2020 Struga.net | Privacy policy