minibus hire Leeds minibus hire Scarborough local minibus hire lajmet e fundit national minibus hire struga lajm struga lajme
Florian Kamberi rikthehet në Zvicër, nënshkruan me nënkampionët - Struga.net

Florian Kamberi rikthehet në Zvicër, nënshkruan me nënkampionët

0

Florian Kamberi prej javësh ishte përjashtuar nga skuadra e Hibernian dhe ishte në kërkim të një klubi të ri.

Gjysmën e sezonit, që sapo u mbyll Kamberi e kaloi në huazim te Reinxhers, ku lëshoi edhe disa deklarata dashurie, që ngjallën reagim negativ te tifozët dhe drejtuesit e Hibernian.

Klubi e nxorri menjëherë në merkato 25-vjeçarin dhe ishte St. Galen, që përfitoi dhe arriti të sigurojë shërbimet e sulmuesit të kombëtares sonë.

Lajmin e ka zyrtarizuar vetë klubi helvet, që njofton se Kamberi ka firmosur deri në verën e vitit 2023.

St. Galen njofton gjithashtu se nuk do të bëhen të ditura vlerat e këtij operacioni, duke mos e publikuar shifrën që kanë paguar për të liruar Kamberin nga skocezët, teksa kontrata e sulmuesit me Hibernian skadonte pas dy vitesh.

Kështu, Kamberi kthehet në Zvicër, ku edhe ka hedhur hapat e para në futboll në akademinë e Zyrihut.

Share.

Comments are closed.

Copyright © 2014 - 2020 Struga.net | Privacy policy