minibus hire Leeds minibus hire Scarborough local minibus hire lajmet e fundit national minibus hire struga lajm struga lajme online mortgage broker online university
Inteligjenca artificiale zbulon produktivitetin e Messit në skuadrat që e kërkojnë - Struga.net

Inteligjenca artificiale zbulon produktivitetin e Messit në skuadrat që e kërkojnë

0

Ndryshimi i klubit (Barcelonës) për herë të parë në karrierën e tij është sfida që Leo Messi i ka vendosur vetes në moshën 33-vjeçare.

Pas gati dy dekadash në elitë me katalanasit, ​​ylli argjentinas synon të fillojë një fazë të re. Mediat argjentinase fantazojnë për kthimin e “10” në vendin e tyre, ku e nisi futbollin fëmijë, por supozohet se gjëja më normale është që ai të provojë një tjetër klub të madh në Europë. Përgjatë këtyre linjave, duke ndjekur terrenin e hipotezës,

“La Nación”, një media e njohur në Argjentinë, publikoi studimin teknologjik, duke zbatuar kriteret e inteligjencës artificiale.

Studimi në fjalë parashikon se çfarë performance mund të kishte Messi në varësi të ekipit që do të zgjedhë për të vazhduar karrierën e tij. “Olocip”, një kompani teknologjike spanjolle, është përgjegjëse për kontekstualizimin e këtij horizonti dhe, ndryshe nga “Big Data”, ajo punon për të ardhmen, jo për të kaluarën.

Ky studim zbulon, që nga fillimi, se do të ishte PSG, skuadra ku do të shënonte më shumë gola dhe Manchester City, skuadra ku do të jepte më shumë asiste.

“La Nación” thekson edhe të dhënat parashikuese të Messit në klube të ndryshme argjentinase, te dy të mëdhenjtë, River Plate dhe Boca Juniors, dhe Newell’s Old Boys, ekipi ku Leo e filloi futbollin si fëmijë.

Me 0.50 gola dhe 0.30 asiste për ndeshje, Messi do të kapte këto shifra, sipas këtij studimi, në debutimin e tij në kampionatin argjentinas.

E thënë ndryshe, 12 gola dhe shtatë asiste në 23 ndeshje. “Olocip”, themelues i së cilës është futbollisti Esteban Granero, mat llojin e ligës, ekipin, skuadrën, trajnerin dhe variablat e tjerë për të parashikuar produktin e një futbollisti.

Sipas parashikimeve të inteligjencës artificiale, në 90 minutat e një loje, Messi do të shënonte më shumë gola për PSG (0.6), do të jepte më shumë pasime te Manchester City (60), do të ekzekutonte më shumë krosime tek Interi (4,1), do të driblonte më shumë te Manchester City dhe Manchester United: 7.5 për ndeshje.

Duke marrë parasysh atë që bëri Messi te Barça, në La Liga, sezonin e fundit, raporti i vërtetë i golave ​​/ asistieve vazhdon të jetë më i mirë si lojtar Blaugrana: në 33 ndeshje, 25 gola të shënuar dhe 21 asiste. Kjo përkthehet ndryshe: 0.75 gola të shënuar për ndeshje dhe 0.63 asiste për shokët e tij të skuadrës.

Share.

Leave A Reply

Copyright © 2014 - 2020 Struga.net | Privacy policy